AMANGUNI ASE-MBO
Lomlando uqoqwe ngu-Bhekizifundiswa kaMzikayise Ngidi
UMkhulunkosi wazala uKuwawawa owazala uKulwamba owazala uSidwabaseluthuli owazala uMshengu noNkosi owazala uNgwane owazala uCebisa owazala uDlamini. UMshengu uzala abakwaShabalala.
UDLAMINI KACEBISA
Abantwana bakaDlamini:
Sihubu
Mnyambane
Mhlanga
UMnyambane uzala oDlamini bakwaZulu bese kuthi uMhlanga azale amaHlubi (abakwaHadebe). USihubu kaDlamini wazala uNkabingwe owazala uMbhodlo owazala uMswati (amaSwazi abizwa ngaye) owazala uSikhulumaloyo owazala uMthonga noMsimude owazala uZamuketi owazala uNkomokabako owazala uNkosi owazala uLanga.
ULanga kaNkosi
Abantwana bakaLanga:
Mavuso owazala uLudonga
Ndlozela
Manukuza
Mlangeni
UNdlozela uzala abakwaMkhize bese kuthi uMlangeni ezala abantu ababizwa ngegama lakhe, abakwaMlangeni. UMavuso noManukuza bazala abakwaNdwandwe.
ULudonga kaMavuso
Abantwana bakaLudonga:
Hlubi
Xaba
UHlubi uzala amaSwazi.
UManukuza kaLanga kaNkosi
Abantwana bakaManukuza:
Gasa owazala uZikode owazala uSoshangane noMhlabawadabuka
Sidinane owazala uQunwana
Ndunu
Majolo (Nxumalo)
Abanye bathi uManukuza akasiye uyise kaGasa, bathi ngumkhulu wakhe. USoshangane uzala amaShangane bese kuthi uMajolo azale abakwaNxumalo.
AMA-SHANGANE
USoshangane wazala uMzila noMawewe. UMzila (owashona ngo-1885) wazala uNgungunyana owayeganwe yindodakazi kaNombengula (Lobengula) kaMzilikazi Khumalo. UNgungunyana naye wahlushwa kakhulu ngabelungu bagcina sebemyise e-Canary Islands lapho ashonela khona. Omunye wabelungu abamhlaselayo ngu-Antonio Enes, owayeyiPutukezi.
AMA-SWAZI
UDlamini II kaNgwane II kaMswati I
Abantwana bakaDlamini II:
Nkosi II
Ndzimandze
Mamba
UNkosi II kaDlamini II
Abantwana bakaNkosi II:
Mavuso I
Nhlabatsi
Mhlanga
UMavuso I kaNkosi II
Abantwana bakaMavuso I:
Magudulela
Ludonga
Lunyawo
Ngemva kukaMavuso kwakumele kubuse uMagudulela kodwa umama wakhe akathandanga ukuthi abuse, ngakho-ke walimaza indodana yakhe uMagudulela isencane isandla sokudla khona izofunda ukusebenzisa esesinxele (umuntu osebenzisa isandla sesinxele wayengabusi eSwazini).
ULudonga I ka Mavuso I
Abantwana bakaLudonga I:
Hlubi
Dlamini III
Shabalala
Mabuza
Ginindza
UDlamini III ka Ludonga I
Abantwana bakaDlamini III
Ngwane III
Langwenya
Ndlela
Mgabhi
Ngwenyama
UNgwane III kaDlamini III
Abantwana bakaNgwane III
Ndungunya (Zikodze)
Ndinisa
Liba
UNdungunya (Zikodze) kaNgwane III
Abantwana bakaNdungunya:
Sobhuza I (Somhlolo, Ngwane IV) m. Lazide kaZwide Ndwandwe
Cebisa
Mgwegwe
Malunge
Phangodze
Phosile m. Zwide kaLanga Ndwandwe
UNdungunya wayakhe eShiselweni. UZwide uke wahlasela usibali wakhe uSobhuza.
USobhuza I kaNdungunya
Umntwana kaSobhuza noLazide kaZwide:
Mswati II
Umntwana kaSobhuza noNompethu kaZwide:
Mzamose m. Langalibalele kaMthimkhulu
Abanye abantwana bakaSobhuza I:
Malambule
Sidubela
Somcuba
Majingwa owazala uSikhunyana owazala uNomguqo Paulina Dlamini (Bheka abakwaDlamini).
USobhuza wayebusa kusukela ngawo-1815 kuya ko-1839, wayakhe KwaLobamba ngaseNokwane. USobhuza washona uMswati esemncane uMswati wayesebanjelwa ubukhosi nguMalambule. Kwathi uMswati esekhulile uMalambule wenqaba nobukhosi. Lokhu kwasusa umbango wobukhosi eSwazini, nango-ke uMalambule esebalekela kuMfundisi uJames Allison eMahamba. Walandwa khona lapho wabulawa, uJames Allison wayesebaleka namanye amaSwazi asalayo ngesikhathi kuhlaselwa kwaMahamba ebalekela kwaZulu.
UMswati II kaSobhuza I
Abantwana bakaMswati II:
Ludonga II (Macaleni)
Dlamini IV (Mbandeni)
UMswati II, owayebusa kusukela ngawo-1845 kuya ku-1865, wasiza uMawewe ngesikhathi elwa noMzila. Ngemuva kwakhe kwabusa uMbandeni ngoba uLudonga washona engenayo indlalifa.
Mbandeni (Dlamini IV) kaMswati II
Umntwana kaMbandeni noNcenekile Simelane:
Masumpa
Umntwana kaMbandeni noGwamile Labotsibeni Mdluli:
Ngwane V (Mahlokohla, Bhunu)
Omunye umntwana kaMbandeni:
Malunge
UMbandeni wabusa ukusukela ngo-1875 kuya ku-1889, wasiza amabhunu ekuhlaseleni kwawo uSikhukhuni, washona ngawo-1889 kwase kubusa indodana yakhe uBhunu, eyabusa kusukela ngo-1890 kuya ku-1899. Empeleni kwakumele kubuse uMasumpa ngoba amaSwazi ayethe uMaSimelane nguyena ozobazalela inkosi, kodwa lokhu bakuguqula ekushoneni kukaMbandeni. Ngesikhathi uPixley kaIsaka Seme efuna ukusungula iphephandaba elithi "Abantu-Batho" wacela imali ku-Labotsibeni wayesenikwa opondo abayizinkulungwane ezintathu (R6000). Omunye umakoti kaMbandeni kwakunguNomveshe kaDukuza. Imizi kaMbandeni:
Embekelweni
Zombode
Odidini
UNgwane V kaDlamini IV
Umntwana kaBhunu noLomawa Nxumalo:
Nkhotfotsheni (Sobhuza II)
Abanye abantwana bakaNgwane V:
Mlumbi
Makhosikhosi
Mngcele
Nqindi
Mshengu
Mduze
Mkukwana
Imizi kaNgwane:
Emampondweni
Zombode
Ezinye izizwe ezivela emaSwazini: Maseko
Nhleko
Mavuso
Shabalala
Mayisela
Mdluli
Sithebe
Thwala
Nzima
Sibeko
Sikhosana
Msibi
Linda (Cebekhulu)
Zondo
Sangweni
Kubheka/Hlatshwayo (lapho kwavela khona abakwaNtimane)
